"Toyda dedi ki, haqqımı halal etmirəm"

Aparıcı Elgiz Əkbər son verilişində maraqlı və eyni zamanda təsirli bir hadisəni izləyiciləri ilə bölüşüb. O, toy məclisində baş verən mübahisədən danışaraq, musiqiçilərin haqqının yeyilməsinə qarşı çıxıb. Elgiz bildirib ki, toyda zərb alətləri ifaçısı olan bir qadın solistə qarşı narazılığını ifadə edərək, "Haqqımı halal etmirəm, Allah sənin bərəkətini qaçırsın" sözlərini səsləndirib. Hadisədən az müddət sonra həmin solistin xəstələnərək vəfat etdiyi bildirilib. Elgiz müğənnilərə müraciət edərək musiqiçilərin zəhmət haqqını kəsməməyə çağırıb.