Toyda Verilən Pullar Saxta Çıxdı
Xalq artisti Könül Xasıyeva illər əvvəl iştirak etdiyi toy məclislərindən birində aldığı pulların saxta çıxması barədə maraqlı hadisəni bölüşüb. Xanəndə bildirib ki, həmin dövrdə şabaş olaraq dollar verilib, lakin sonradan bütün məbləğin saxta olduğu üzə çıxıb. Ansambl üzvlərinin haqqını ödəmək üçün Xasıyeva şəxsi vəsaitindən istifadə etməli olub.
AsimanFərzəliyeva 
Xalq artisti Könül Xasıyeva qatıldığı toy məclislərindən birində başına gələn maraqlı hadisəni bölüşüb. O, “Qonaqcanlı” proqramında danışarkən bildirib ki, 1990-cı illərdə bir toyda iştirak edib və şabaş olaraq dollar alıb. "Evə gəldikdən sonra ansambl üzvlərinə ödəniş etmək üçün pulları yoxlatdırdıq. Təsəvvür edin, hamısı saxta çıxdı. Hətta mənə qalan az miqdarı da yoxladıq, saxta idi. Çarəsiz qalıb, bütün ansamblın pulunu öz şəxsi vəsaitimdən ödədim," – deyə sənətkar qeyd edib. Könül Xasıyeva həmçinin vurğulayıb ki, toylara yüksək məbləğ tələb etmədən qatılmağı üstün tutur və hər zaman insanların minnətdarlığını qiymətləndirir.
