"Universitet oxumadım, amma bu gün universitetdən mükafat alıram"
Məşhur aktrisa Meryem Uzerli ən bəyənilən aktrisa mükafatına layiq görülüb. O, universitet bitirmədiyini, lakin bu gün universitet tərəfindən mükafatlandırılmasının onun üçün qürurverici olduğunu bildirib.
AsimanFərzəliyeva 
Türkiyəli aktrisa Meryem Uzerli ən bəyənilən aktrisa mükafatına layiq görülüb. Aktrisa tədbirdə çıxışı zamanı uğur hekayəsini paylaşaraq motivasiya dolu sözlər səsləndirib.
"Heç vaxt xəyal qurmağı dayandırmamalıyıq. Ailəmdə məndən başqa hamı universitet oxuyub. Mən isə oxumamışam, amma bu gün bir universitetdən mükafat alıram. Bu, mənim üçün çox qürurverici və dəyərli bir andır. Ailəmə bu uğurumu böyük fəxrlə danışacam," – deyə Uzerli qeyd edib.
Meryem Uzerlinin bu uğuru sosial mediada geniş müzakirə mövzusuna çevrilib və onun motivasiya dolu çıxışı izləyicilər tərəfindən böyük rəğbət qazanıb.
