"Yasda Yemək Gözləmək İnsanlığa Sığmaz" - Aslıhan Güner

Türkiyəli aktrisa Aslıhan Güner, yas mərasimlərində insanların diqqətini başqa mövzulara yönəltməsini sərt şəkildə tənqid edib. Güner, xüsusilə insanların yasda olarkən yemək və gündəlik məsələlər barədə danışmalarının insanlığa uyğun olmadığını ifadə edib:
"Atam xərçəng xəstəliyindən əziyyət çəkirdi. Allah bu xəstəlikdən əziyyət çəkənlərə və onların ailələrinə səbr versin. Atam iki dəfə bu xəstəliyi aşmışdı, amma üçüncüsündə mübarizə davam etmədi. Ən böyük istəyim onun mənim toyumu görməsiydi, buna nail oldum.
Yas mərasimlərini heç vaxt bəyənməmişəm. İnsanlar yasda olanda, digərlərinin yemək gözləməsi insanlığa sığmır. Sən acılar içindəsən, amma kimsə süfrədə ona qulluq edilməsini gözləyir, kimisi alış-verişdən danışır, digəri işinlə maraqlanır, səni anlamırlar. Od düşdüyü yeri yandırar. Ən gözəl olanı, həmin adamın əlindən tutub səssiz qalmaqdır və ya telefonla mesaj atmaqdır."