“Qonşular şikayətlənirdi ki, bəsdir...”

Əməkdar artist Sevda Ələkbərzadə televiziya verilişlərinə nadir hallarda qatılmasının səbəbini açıqlayıb.

Milli.Az xəbər verir ki, sənətçi "Zaurla Günaydın" proqramında bu mövzuya toxunub. O, efirə tez-tez çıxmağın sənətçinin dəyərini azalda biləcəyini bildirib:

"İnsan çox istədiyi sənətçini gözləməlidir. Qoy darıxsınlar, hər şeyin yeri var. Çox gəlib-gedəndə insan adiləşir. Nadir halda gələndə isə başqa münasibət göstərilir. 34 ildir səhnədəyəm. Əvvəllər tez-tez efirə çıxırdım. Bir çox verilişlərdə olmuşam, qonşular şikayətlənib ki, bəsdir, nə vaxt açırıq, səni görürük", – deyə müğənni bildirib.

Sevda Ələkbərzadə hazırda daha seçici davranaraq yalnız vacib məqamlarda efirə çıxdığını vurğulayıb.