Zülfiyyə İbadova: "Həyat yoldaşım gənclik illərində mənə qadağalar qoyurdu"

Aşıq Zülfiyyə İbadova, "Günaydın, Azərbaycan!" verilişində evlilik ildönümündə aldığı hədiyyələr və həyat yoldaşı ilə olan münasibətləri haqqında danışıb. O, həyat yoldaşının ona çox dəyər verdiyini və ən böyük hədiyyənin onun varlığı olduğunu qeyd edib.

Sənətçi, oğlunun ona telefon hədiyyə etdiyini, nəvəsinin isə sürpriz hazırladığını da bildirib. Evlilik həyatı ilə bağlı daha çox məlumat verən Zülfiyyə, həyat yoldaşının ona gənclik illərində qoyduğu qadağalardan bəhs edib.

"Gənclik illərimdə həyat yoldaşım mənə qadağalar qoyurdu. Tərslikdən səhnədə mənə gülü hər zaman oğlanlar gətirirdi. Bunun üstündə evdə qırğınlar çıxırdı. Deyirdi ki, görürsən ki, sənə gül gətirirlər, çıx get səhnədən. Mən də cavab verirdim ki, bunu etmək olmaz, necə hörmətsizlik edə bilərəm", - deyə Zülfiyyə İbadova xatırlayıb.

Zülfiyyə, bu məsələlərə görə mərhum qayınatamasına şikayət etdiyini və qayınanasının ona başa saldığını bildirib ki, sənətkar qadın belə vəziyyətlərlə qarşılaşacaq və bunu normal qarşılamalıdır. Bu hadisə sonradan həyat yoldaşının fikrini dəyişməsinə səbəb olub. "Peşman deyil belə etməyə, bəlkə bu da lazım idi. Kişi evdə kişi kimi olmalıdır, hər şeyi icazə vermək də düzgün deyil", - deyə sənətçi sözlərini tamamlayıb.