Aysunun həyat yoldaşından xəyanət iddialarına SƏRT REAKSİYA –FOTO

Müğənni Aysun İsmayılovanın həyat yoldaşı, vəkil Ramil Vəliyev son günlər yayılan xəyanət iddialarına münasibət bildirib. O, sosial media hesabında paylaşım edərək bu xəbərlərin əsassız olduğunu vurğulayıb.

“Kim, harada, kiminlə nə edir – bunun heç kimə aidiyyəti yoxdur. Təsir əks təsirə bərabərdir. Yəni hər hərəkətin qarşılığı var. Bilib-bilmədən kiminsə şəxsi həyatı haqqında fikir bildirmək tərbiyəsizlikdir,” – deyə vəkil qeyd edib.

Xatırladaq ki, son günlər Aysun İsmayılovanın xəyanətə məruz qaldığı ilə bağlı iddialar yayılıb. Müğənni bu barədə açıq danışmasa da, sosial mediada izləyicilərinə verdiyi qeyri-müəyyən cavablar şayiələrin artmasına səbəb olub.