"Dünəndən telefonum susmur"
Məşhur aparıcı Mətanət Əliverdiyeva oğlu Oqtayın evlənəcəyi ilə bağlı yayılan xəbərlərə aydınlıq gətirib. O bildirib ki, aparıcısı olduğu verilişdə qonaq olan Nazilə Səfərlinin zarafatı səbəbindən telefonları susmaq bilmir.
AsimanFərzəliyeva 
Aparıcı Mətanət Əliverdiyeva ötən gün yayımlanan "Xəzər axşamı" verilişindən sonra telefonunun susmadığını bildirib.
O, bu barədə bugünkü proqramında danışaraq, məsələnin səbəbini izah edib:
"Dünən verilişimdə qonaq olan Nazilə Səfərli məndən soruşdu ki, oğlunun neçə yaşı var? Hələ evləndirməmisən? Cavab verdim ki, artıq 32 yaşı var. Mən evlənəsi deyiləm ki, münasib bir qız olanda özü ailə quracaq. Sonra Nazilə zarafatla dedi ki, 27 yaşında yaxşı bir qız tanıyıram. Vəssəlam, dünəndən nə mənim, nə də Nazilənin telefonu susur.
Oğlum Oqtay da zəng edib ki, "Görənlər məni toyun olacaq deyə təbrik edirlər. Mən isə bilmirəm nə baş verir!". Deyirlər ki, qız evində toy var, amma oğlanın xəbəri yoxdur. Təki bu xəbər yalan yox, gerçək olsun."
