Məşhur müğənni 78 yaşında vəfat etdi – FOTOlar

Musiqi və kino dünyasının əfsanəvi simalarından biri olan Marianne Faithfull 78 yaşında Londonda vəfat edib.

Faithfull, 1964-cü ildə "As Tears Go By" mahnısı ilə musiqi səhnəsinə daxil olub və qısa zamanda öz güclü səsi və unikal təfsirləri ilə məşhurluq qazanıb. O, Rolling Stones qrupunun vokalisti Mick Jagger ilə olan münasibətilə də böyük diqqət mərkəzində olub.

1970-ci illərdə anoreksiya və narkomaniya ilə mübarizə aparan Faithfull, bu səbəblə karyerasına uzun müddət ara vermək məcburiyyətində qalmışdı. Onun musiqi və film sahəsindəki uğurları, həmçinin, fəal şəxsiyyəti onu bir dövrün əfsanəsinə çevirdi.

Faithfull-un ölümü musiqi və kino dünyasında dərin kədər yaratdı. Pərəstişkarları və dostları onu "azad ruhlu", "qorxmaz" və "ilhamverici" bir insan olaraq xatırlayır.