"Mahnını pulla almışamsa, niyə kiminsə adını çəkməliyəm?"

Müğənni Nadir Qafarzadə “Həmin Zaur” verilişində musiqi alqı-satqısı ilə bağlı maraqlı açıqlama verib. O, pulla aldığı mahnıların müəllifini qeyd etməyə məcbur olmadığını vurğulayıb.

“Mən əgər pul verib mahnını almışamsa, kiminsə adını niyə çəkməliyəm? Bu, pulsuz reklamdır. Paltar və ya kostyum alanda bəyəm hansı marka olduğunu həmişə deməliyəm? Mahnını satın aldıqdan sonra o, artıq mənim mülkiyyətim sayılır. Əlbəttə, hörmət əlaməti olaraq bəstəkarın adını çəkə bilərəm, amma bu, məcburi deyil. Əgər kim isə istəyirsə ki, adını çəkim, qoy mahnını pulsuz versin, mən də onu reklam edim” – deyə, Qafarzadə bildirib.