"Mən toyuq hinində, ya ağacda yaşamalıyam?"

Tanınmış teleaparıcı Elgiz Əkbər son müsahibəsi ilə gündəmə gəlib. O, yeni tikili binada yaşamasına ağız büzən həmkarının iradlarına cavab verərək, bu fikirlərin mənasız olduğunu bildirib.

“Sosial şəbəkə vasitəsilə bir həmkarımın danışığını eşitdim. O, ümumi danışırdı və ad çəkmədən, "Bu aparıcılar hamısı yeni tikili binada yaşayırlar," deyirdi. Mənim kimi aparıcıları nəzərdə tuturdu. Belə çıxır ki, mən toyuq hinində yaşamalıyam, ya ağacda məskunlaşmalıyam. Axı mən 20 ilin aparıcısıyam, heç bir verilişim reytinqsiz olmayıb, layihələrim həmişə sponsorlu olub. Mən niyə evsiz qalmalıyam?” – deyə Elgiz qeyd edib.

Aparıcı həmçinin vurğulayıb ki, onun çəkdiyi zəhmət və uğurları ilə əldə etdikləri heç kimə artıq görünməməlidir.