Firuzə İbadova: "Gözümü açanda da, yumanda da istəyirəm səni görüm"

Əməkdar artist Firuzə İbadova "Qonaqcanlı" verilişində özünün şəxsi həyatı ilə bağlı açıqlamalar verib. Müğənni efirdə həyatını necə yaşadığını, övladlarını və həyat yoldaşını necə sevdiyini bildirib. O, "Dünyaya sevmək üçün gəlmişik. Bir dəfə efirdən övladıma da demişdim ki, səni çox sevirəm. Gözümü açanda da, yumanda da istəyirəm səni görüm" sözlərini söyləyib.

Firuzə İbadova həmçinin, gözəl və ağıllı övladları olduğu üçün şanslı olduğunu qeyd edib: "Bəxtim var, gözəl və ağıllı övladlarım var. Xanım kimi də çox xoşbəxtəm."

Müğənni, mərhum duet ortağı Cavanşir Məmmədov haqqında da danışıb. O, Cavanşirin Azərbaycanda çalışan mükəmməl bir musiqiçi olduğunu və bir çox gəncə dəstək olduğunu vurğulayıb: "İllərlə bərabər çalışmışıq. Hərdən elə düşünürəm ki, həyatın qanunu budur. Sənətə 1970-ci illərdən gəlmişdim. 1996-cı ildən Cavanşir Məmmədovdan və xanımından dəvət aldım. Sənətimin 27 ilini ona həsr etdim. Birlikdə dövlət tədbirlərinə, şənliklərə qatıldıq".