Məşhur ulduz sevgilisini və uşağını döyüb
“Casus uşaqları 3: Oyun bitdi” filminin ulduzu Robert Vito sevgilisinə və uşağına zor tətbiq etdiyi üçün polis tərəfindən həbs edilib. Zorakılıq hadisəsi barədə qonşuların şikayətindən sonra Vito polis tərəfindən saxlanılsa da, girov qarşılığında azadlığa buraxılıb.
AsimanFərzəliyeva 
Hollivud aktyoru Robert Vito, “Casus uşaqları 3: Oyun bitdi” filmindəki Reza obrazı ilə tanınan ulduz, məişət zorakılığı səbəbi ilə Los-Ancelesdə həbs edilib. Məlumatlara görə, qonşular Vitonun evində şiddət səsləri eşidərək polisə müraciət ediblər. Məlumatda bildirilir ki, aktyorun sevgilisi ilə yaşadığı mübahisə fiziki zorakılığa çevrilib. Hadisə zamanı Vito sevgilisini mebelə itələyib və azyaşlı oğlunu divanın üzərinə atıb. Hər iki zərərçəkənin şikayət etməməsinə baxmayaraq, polis döyülmə izlərini təsdiqləyib. Hadisədən sonra 50 000 dollar girov qarşılığında sərbəst buraxılan Vito məhkəməyə qədər nəzarət altında saxlanacaq. Bu qalmaqallı hadisə aktyorun həm pərəstişkarları, həm də media tərəfindən diqqət mərkəzinə düşüb.
