Nicat Əliyev: "DNT testi ilə sübut edəcəyəm ki, uşağın atası mənəm"

Model Razi Əliyevanın həyat yoldaşı Nicat Əliyev, yaxın günlərdə ata olub. Ancaq Nicat doğuş prosesindən xəbərsiz olduğunu və uşağını görmək üçün xəstəxanada ciddi maneələrlə üzləşdiyini deyib. O bildirib ki, doğum barədə yalnız tanımadığı bir nömrədən aldığı mesajla məlumatlandırılıb. "Uşağın doğulması ilə bağlı heç bir xəbərim yox idi. Həkim mənə əməliyyatın təcili olduğunu və uşağın vaxtından əvvəl dünyaya gəldiyini söylədi. Ancaq Razini görmək istəyəndə, xəstəxana işçiləri buna icazə vermədi," - deyə Nicat əlavə edib. Mediada yayılan şayiələrə cavab verən Nicat, uşağın atası ilə bağlı iddiaların əsassız olduğunu vurğulayıb və DNT testi vasitəsilə bunun sübut ediləcəyini açıqlayıb. "Bütün şübhələri aradan qaldırmaq üçün DNT testi verəcəyəm. Nəticələri mediada paylaşacağam," - deyə o bildirib. Həyat yoldaşı ilə boşanma prosesinin davam etdiyini qeyd edən Nicat, uşağını tərbiyə etmək və onunla birlikdə olmaq istədiyini vurğulayıb: "Övladımın düzgün mühitdə böyüməsini istəyirəm. İlk addımlarını, ilk sözlərini eşitmək mənim üçün çox önəmlidir." Cütlüyün boşanma məhkəməsinin ilk iclası bu ayın sonunda keçiriləcək. Razinin boşanmaqda tələskənliyinin səbəbi barədə danışan Nicat, onun uşağı ondan uzaqlaşdırmaq istədiyini iddia edib.