"Sənətkarlığın Başına Dəysin!"

Müğənni Nadir Qafarzadə son açıqlamaları ilə diqqət çəkib. O, "Tarixin bir günü" verilişində ad çəkmədən Əməkdar artist Teymur Əmrahın bəzi müğənnilər haqqında dediyi fikirləri tənqid edib.

Nadir bildirib ki, daha əvvəl yayılan videosunda sənətçilərin səsi və səs tembri haqqında danışıb, lakin bəzi insanlar bunu fərqli anlayıblar:
"Orada heç kimin sənətinə toxunmamışdım. İnsanların mövqeyindən danışmışdım. Bir insan harada nə deyirsə, başqa yerdə də eyni fikri səsləndirməlidir. Əks halda, o, mövqesiz biridir. Sənətkarlığın başına dəysin!"

Qeyd edək ki, Nadir Qafarzadənin bu sözləri Teymur Əmrahın "Gün ortası" verilişində Şəbnəm Tovuzlu, Damla, Manaf Ağayev və Zeynəb Həsəninin səsini yüksək dəyərləndirməsinə cavab olaraq səsləndirdiyi ehtimal edilir. Əmrah, Şəbnəm Tovuzlunun dünyada ən zil səslərdən birinə sahib olduğunu və Zeynəb Həsəninin ifasına heyran qaldığını demişdi.