Aşıq Telli Borçalı, bir müddət əvvəl həmkarı Zülfiyyə İbadova ilə yaşadığı qalmaqalı yenidən gündəmə gətirib. Telli Borçalı, Zülfiyyənin onun haqqındakı yalanları ilə əlaqədar sərt açıqlamalar verib. O, Zülfiyyənin iddialarına cavab olaraq bildirib: “Guya mən onun restoranına getmişəm, sazım orada qalıb. Onu otuzdurub danışıblar. Ağzına gələni danışıb. Başından yekə yalanlar danışıb. Mən də bu ssenarini davam etdirəcəyəm.”
Telli Borçalı, həmkarının ona qarşı münasibətini də sərt şəkildə qınayıb. “Sən qalmaqalın kvadratı yox, kubusan. Sən qalmaqaldan ötrü ölürsən. Fakt göz qarşısındadır. Sənin başın üçün deyil mənim haqqımda danışasan,” - deyə o bildirib.
Zülfiyyə İbadova isə Telli Borçalı ilə bu məsələlərə cavab olaraq, verilişlərdə danışdığı mövzuya dair açıqlama verib. O, "Verilişi mən izləməmişəm, bu haqda məlumatım yoxdur," - deyib. İbadova, Telli ilə münasibətlərinin çox yaxşı olduğunu və heç vaxt ona qarşı mənfi bir münasibət sərgiləmədiyini bildirib.
Zülfiyyə İbadova həmçinin, Telli ilə əlaqəli qalmaqaldan necə başladığını izah edərək, "Mətanət Əliverdiyevanın verilişində suallar verilib və mən də ərkyanə olaraq Telli ilə bağlı bir açıqlama verdim. Lakin, bu sözü yalan demədim, sadəcə o an gülərək dedim," - deyib.
Xatırladaq ki, Zülfiyyə İbadova daha əvvəl, Telli Borçalı haqqında "Aşıq Telliyə sazımı etibar etmərəm. Həmişə gəlir bizim restorana yeyir, sonra da sazını unudub gedir. Zəng edir ki, sazım orada qalıb" sözlərini demişdi, bu isə tərəflər arasında gərginliyi daha da artırmışdı.
AsimanFərzəliyeva 
