Xəstəliyinə görə sürətlə arıqlayıb – FOTO
Məşhur müğənni və aktrisa Selena Qomez son görünüşü ilə böyük maraq yaradıb. O, qısa müddət ərzində xeyli çəki itirib. Qomezin bu dəyişimi xəstəliyinin müalicəsi ilə bağlıdır.
AsimanFərzəliyeva 
Dünya şöhrətli müğənni və aktrisa Selena Qomez "Ekran Aktyorları Gildiyası" Mükafatlandırma mərasimindəki yeni görünüşü ilə diqqət çəkib.
Son bir neçə həftə ərzində onun inanılmaz dərəcədə arıqlaması böyük marağa səbəb olub. Əvvəllər bəzi dərmanların təsiri ilə çəki artımı yaşayan sənətçi sosial şəbəkələrdə xarici görünüşü ilə bağlı tənqidlərə məruz qalmışdı.
İndi isə izləyicilər onun xeyli çəki itirdiyini görərək fərqli reaksiyalar veriblər. Müxtəlif iddialar ortaya atılsa da, Qomez narkotik istifadəsi ilə bağlı şayiələri təkzib edib. O, çəki itkisinin lupus və bağırsaq pozğunluğunun müalicəsi ilə əlaqəli olduğunu bildirib. Aktrisanın sözlərinə görə, bağırsaq problemləri ona iştahasızlıq və ürəkbulanma hissi yaşadır, bu da onun daha az qida qəbul etməsinə səbəb olur. Nəticədə isə o, qısa müddətdə sürətlə arıqlayıb.
