Xalq artisti keçmiş həyat yoldaşından danışdı

Xalq artisti Gülyaz Məmmədova keçmiş həyat yoldaşı ilə münasibətləri haqqında danışıb. O, "Zaurla Günaydın" verilişində verdiyi açıqlamada həyat yoldaşının uzaq bir ölkədə yaşadığını və onunla müasir dövrün insanları kimi danışdıqlarını bildirib. "Allah canını sağ etsin, o da uzaq ölkədədir. Övladımın atasıdır, müasir zamandır, əlbəttə danışırıq. Salamlaşır, uşağımı soruşur. Deyirəm, yaxşıyıq, var ol. Biz mədəni insanlarıq" – deyə o qeyd edib. Gülyaz Məmmədova əlavə edib ki, keçmiş həyat yoldaşı Moskvanın bir bölgəsində mühəndis işləyir və onun çox gözəl əl qabiliyyəti var. Lakin Gülyaz Məmmədova Rusiyada yaşaya bilməyəcəyini, Moskvanın yalnız iş səfərləri üçün getdiyini bildirib. "Moskvada evi var. Gedəndə görüşmürük. Gülyanaqla Moskvaya gedirik, səhər gedib axşam qayıdırıq" – deyə o sözlərinə əlavə edib.