Ədalət Şükürov: "Hamı 'Mercedes' olmaq istəyir, amma 'Zaporojets' kimi fikirləşir"

Əməkdar artist Ədalət Şükürov "İncə səhər" verilişində sənətə dair fikirlərini paylaşdı. O, musiqi sahəsinə yalnız pul qazanmaq məqsədilə gələn ifaçılara münasibətini açıqlayaraq, belə şəxslərin səhv yolda olduğunu qeyd etdi. Şükürov, gözəl səsin olsa belə, yalnız başını işlətməyin və marketinq sahəsindəki biliklərin önəmini vurğuladı.

"Əgər gözəl səsin varsa və onu düzgün işlədirsənsə, bu tandemdə uğur qazana bilərsən. Lakin çoxumuzun gözəl səsi var, amma marketinq tərəfi zəifdir. Əgər sən marketinq barədə biliklərə malik deyilsənsə, bir mütəxəssisə müraciət edərək ondan kömək ala bilərsən. Bu halda sən səsinlə pul qazanmağa başlaya bilərsən", – deyə Ədalət Şükürov sözlərinə əlavə edib.

O, həmçinin, sənətkarların məşğuliyyətlərinin yalnız pul qazancı ilə bağlı olması məsələsinə toxunaraq, əgər bir sənətkarın müvafiq sahədə qazancı yoxdursa, başqa işlə məşğul olmasının daha faydalı olacağını bildirdi. "Əgər mən gözəl qarmon ifaçısıyamsa, amma bu iş mənə pul gətirmirsə, o zaman başqa sahəyə, misal üçün, çəkməçiliklə məşğul olmağa başlayaram ki, bu, mənə daha çox qazanc gətirsin" – deyə əlavə etdi.