"Hadisələr bizi repressiyaya aparsa da, boyun əymirik"

Əməkdar artist Mehriban Xanlarova ilə Akademik Milli Dram Teatrının bədii rəhbəri Mehriban Ələkbərzadə arasında yaşanan qalmaqal səngimək bilmir.

Axşam.az xəbər verir ki, aktrisa sosial şəbəkə hesabında yeni paylaşım edərək izləyicilərini "Şükriyyə" tamaşasına dəvət edib. Mehriban Xanlarova paylaşımında sənətdəki haqq mübarizəsinə toxunaraq bunları qeyd edib:

"Sizi 15 mart saat 19:00-da Azərbaycan Dövlət Akademik Dram Teatrının səhnəsində nümayiş olunacaq 'Şükriyyə' tamaşasına dəvət edirik! Bu tamaşada mən Zöhrə, tərəf müqabilim Münəvvər Əliyeva isə Şükrü obrazını canlandırır. Hadisələr bizi repressiyaya aparsa da, haqsızlığa boyun əymirik!"

Aktrisa vurğulayıb ki, yaratdıqları obrazlar təkcə səhnəyə aid deyil, real həyatda da eyni hissləri yaşayırlar:

"Teatrımızın bədii rəhbəri tərəfindən göstərilən haqsızlıqlara qarşı apardığımız haqq mübarizəsində Zöhrə və Şükrünün hisslərini, əzmini, sarsılmaz inancını öz ürəyimizdə daşıyırıq. Çünki sənət yalnız səhnədə deyil, gerçək həyatda da ədalət uğrunda mübarizə aparmaqdır!"

Qeyd edək ki, Mehriban Xanlarova ilə Mehriban Ələkbərzadə arasında bir müddətdir narazılıqlar yaşanır. Aktrisa teatr rəhbərliyi tərəfindən ona qarşı haqsızlıq edildiyini iddia edir.