"Özümü heç fikirləşmirəm, Arif müəllim sağ olsun"

Xalq artisti Arif Babayevin həyat yoldaşı Gültəkin xanım tanınmış xanəndənin ailəsi və tələbələri ilə münasibətindən danışıb. O, uzun illərdir Arif müəllimlə ailəli olduğunu qeyd edərək, onun daim tələbələri və sevənləri tərəfindən unudulmadığını bildirib.

"1967-ci ildə ailə qurmuşuq. Artıq 58 ildir ki, Arif müəllimlə birlikdəyik. Tələbələri zaman-zaman gəlib, ona baş çəkirlər. Hətta Xankəndində dərs deyən tələbələri də buraya gələrək görüşürlər. Onu yaddan çıxartmırlar," – deyə Gültəkin xanım bildirib.

O, xanəndənin həm dövlət, həm də xalq tərəfindən böyük hörmət və sevgi gördüyünü vurğulayıb: "Arif müəllimə deyirlər ki, səni həm dövlətimiz, həm də millətimiz çox istəyir. Arif adında nəvəmiz var, hazırda Londonda təhsil alır. Digər nəvəmiz isə Ankarada oxuyur. Onlar Bakıya gələn kimi ilk olaraq bizimlə görüşürlər."

Sonda o, həyat yoldaşına olan sevgisini bu sözlərlə ifadə edib: "Özümü heç fikirləşmirəm. Arif müəllim sağ olsun, nəfəsi əskik olmasın."